Mee...lemongrass (已結業)

有朋友前幾日嚟過呢度，食過波士頓龍蝦喇沙，佢話$84一碗有全隻波士頓龍蝦, 非常超值抵食，所以我今晚特登嚟食呢個喇沙。點知原來每日有quota限賣60隻的，我唔好彩食唔到。於是改食秘製特色牛骨湯河，呢個湯河都有好多餸：牛腩，牛丸，牛肉同牛柏葉；湯底熬煮超過10小時，味道好濃郁，似肉骨茶味道。我個friend點咗雞絲扎肉撈檬粉，份量都唔少，有好多扎肉同雞絲，加咗魚露食，非常醒胃。另外仲點咗清炒雜菜同香茅雞翼，碟雜菜有椰菜芥蘭秋葵，清炒食夠健康；香茅雞翼有5件，未食已聞到香味，外脆內軟，係我每次嚟都例牌要點嘅食物。