Tam Viet

今日兩公婆去越南餐廳撐枱腳, 嚟咗呢間小店, 覺得性價比非常高, 一定要推介畀大家。

我哋叫咗牛肉法包， 外脆內嫩，烤牛肉有烤得好味，要畀十分，下次要試埋佢個扎肉法包至得。又叫咗生牛肉河， 湯底夠濃，牛肉都好嫩又唔肥，唔係普通肥牛，略嫌芽菜同九層塔少啲。

又叫咗個大蝦米紙卷，非常紮實仲有 米粉酸菜紅蘿蔔做餡，好好食！

仲叫咗兩杯嘢飲，一個係椰奶咖啡 ，咖啡夠濃椰奶又香，恰當好處！ 我就叫咗杯牛油果沙冰， 攪得好碎好好絲滑，一流！