主打嘅凉瓜班腩飯（$70）一定要試！班腩煎得外脆內嫩，完全唔痴油，凉瓜夠腍又唔苦，醬汁鹹甜適中，撈飯食簡直一流，加$6轉凍檸檬茶，茶味夠濃，解膩又醒神。另一個瑤柱福建炒飯（$72）都好有驚喜，飯粒分明，瑤柱鮮味滲透每一粒飯，仲有蝦仁、火腿粒增加口感，配凍柯華田夠晒經典，成個組合好滿足。
小食方面，豬扒包配沙律（$38）性價比高，豬扒厚身多汁，包身外脆內軟；雪山叉燒包（$11）熱辣辣上枱，叉燒餡足料，頂層奶油唔會太甜；雞尾包（$9）鬆軟香甜，仲有酥皮蛋撻（$8），酥皮層次多，蛋漿滑溜，熱食最正。
整體嚟講，食物水準穩定，價錢合理，屋企人都話下次行旺角仲會再幫襯！
#旺角美食 #龍城冰室 #冰室食評 #香港茶記 #家庭聚餐 #凉瓜班腩飯 #福建炒飯
