芥末麻香花膠
冰鎮南非鮑魚
桂花火方鍋巴
哈蜜瓜爵士湯
賽螃蟹粉法飽
1
金蒜蒸指天翅
頭抽銀芽炒麵
上湯有機菜遠
老陳皮紅豆沙
配
私房芝麻湯圓
整體菜式編排適中，可能因為海鮮偏多而肉類偏少，而且份量剛剛好，所以吃起來冇預期中咁飽滯，每上一道菜，酒樓負責人都好用心咁去介紹製作方法和所用嘅材料，全都是經過很多個小時嘅預備同埋烹調，所以花膠和鮑魚都係軟硬適中，有咬口又入味，燉咗16小時嘅爵士湯用料充足，味道香甜。賽螃蟹粉係用咗34隻蟹製成，而指天翅係用咗兩條大嘅花尾龍躉製成，骨膠原豐富二魚嘅肉質爽口，係除咗花膠同埋鮑魚之外整晚我最喜歡嘅菜式。而一般大家對飯和麵等興趣不大，但這個看起來好似山仔咁高嘅豉油炒麵，居然係大家讚不絕口，爭相添加嘅一道菜，雖然佢炒得唔係話十分乾身，但係面嘅軟硬程度控制得剛剛好，有咬口又唔太腍，真係一絕👍🏻甜品老陳皮紅豆沙係用咗40年嘅陳皮，所以香味十足。結果一整桌17人全部吃過清光，有人甚至開始上網排定隊等兩年後再嚟光顧呢！
