神石燒牛扒水產專門店 (淘大商場1期) (已結業)

2020年6月6日下午2點和朋友試吓係淘大商場喱間神石燒，係門口有售賣機，㨂完食物入現金就可以入坐，一入到去已見到啲坐位唔太好坐，有啲迫，諗住食物好食就得啦！朋友叫咗個神石牛扒，我叫美國黑毛豬，原來食物還要自己去攞，揭開張紙見到嚿黑毛豬有啲血唔太熟，問問侍應佢話半生熟都食得，我只好切開細細件再用塊黑石加熱，食落口好難咬開，全件黑毛豬只能食落肚得3份1，我朋友話啲牛扒都係一般，唯獨係追加的燒蝦可接受，要我再去食？不了！