Tsuzuku (已結業)

原本俾佢哋嘅特色牆吸引而去 但係食到一半已經冇興趣繼續了Tsuzuku係位於銅鑼灣希雲街街尾 位置隱蔽 所以其實係幾適合隱士修行 而且除咗室內之外 戶外都有枱 所以感覺開揚至於食物方面 主要係輕食同甜品為主 今日就點咗一份All day breakfast同一杯凍latte 價錢中等食物水準方面不過不失 分量亦算OK 不過一路拍攝和進食期間發現店內有好多蚊滋飛來飛去 明白始終係街邊鋪又喺後巷 所以有蚊患問題並唔出奇 不過咁嘅環境食物衛生方面的確係有問題 店主應該要努力想辦法解決期待下次再嚟光顧時可見改善