滿記甜品 (已結業)

銀行電子支付優惠最後一日，平時唔係幾食甜野既我，都係黎左食。好耐無食甜品，望下menu, 原來都幾多選擇。有中式有西式，中式例如蕃薯糖水、木瓜雪耳、燕窩、芝麻糊等，西式有窩夫、雪糕類甜品、布丁等等。照顧曬唔同既口味。更加有啲好似幾健康既甜品，好似紅豆、海底椰、紅棗呢啲好補既配料。我平時咁為食，黎到見到有健康甜品，當然選擇健康啦。我就選擇左腐竹薏米配雞蛋。聽個名都夠曬健康。等左10分鐘左右就上喇。個樣都算貼近餐牌個張相既。食落唔會好甜，薏米夠曬林，好啱想健康但係又口痕想食甜品既你！