京都勝牛 (Tower 535) (已結業)

之前有個星期五晚過來想食呢間, 點知條龍都唔知要等幾耐先有位, 結果就放棄左, 呢次就揀星期四晚過來, 真係人少好多, 只係等 10分鐘左右就有位, D staff 既態度好親切好有禮貌, 放低餐牌講少少介紹就叫我地慢慢睇, 起碼唔會睇睇下就來催落單, 因為第一次來食, 其實好想要埋個凍飲 + 甜品套餐, 不過要加 $72, 感覺好似幾貴,  最後都只係就咁要 2份套餐等左唔使 10分鐘就先來左第一份 - 炸特選三文魚柳套餐, 一攞埋來就聞到香味, 魚柳炸得岩岩好, 亦唔會有腥味, 隔左一陣另一份都到, 呢份係 - 名物翼板伴鰻魚套餐, 又係一樣埋來已經聞到好香, 放低之後, 個 staff 會仲樣汁醬解釋一下係點咩來食, 非常細心, 呢個餐最主要係份牛扒, 夾起上來一睇, 牛扒大概係 4成左右熟, 肉質仍然好紅, 但入口唔會覺得生同無血水, 入口非常軟滑, 而鰻魚唔會炸到好乾, 係岩岩好, 亦都唔會腥 ! 跟餐既沙律菜, 飯, 同埋湯都係可以免費添加既, 每個套餐都有一小碟漬物套餐份量岩岩好, 唔會太多太少,  唔夠又可以添飯, 難怪咁旺場