初心冰室 (已結業)

今日Happy Friday, 所以就算唔肚餓都一定要去食好野囉😁。新屋附近有好多茶記、冰室， 但初嚟步到都唔知邊間好食， 唯有逐間試啦😁。今晚就嚟呢間初心冰室試試， 一入，地方都幾骨緻喎， 啲卡座夠寬敞， 但一看餐牌😅😅😅，點解啲菜式咁西餐嘅呢？🤔我攪錯左喇，我仲以為佢係新派茶記添😜。唔緊要，轉轉心情睇下食咩先👌。我地兩個都唔肚餓，所以決定要點啲食唔飽嘅😁。呢個清酒煮大蜆好有水準好入味喎😍😋。啲蜆肉巧大粒👍平時最愛炸雞翼，今次又點會錯過呢！呢度嘅炸雞翼原來係去骨同埋釀左磨菇芝士入去，所以食落特別香口，而且仲啖啖肉添。加埋個黑松露醬煎露荀，叫做有個配菜咯🤭😏，黑松露醬好香啊！原本以為自己唔肚餓，點知食落又越食越起勁喎😜，於是甜品就點個飽肚嘅焗麵包配雪糕，麵包焗到好外脆內軟， 配上三款醬汁加埋兩球雪糕😋😋😋。雖然今晚同我心想嘅有啲出入(我原本諗住食茶記架), 成餐都好西下噃🤔, 不過佢嘅食物又幾有高質西餐嘅水準，而環境又有茶餐廳嘅親切感同舒適😀噃。不過對我嚟講，好味就得啦， 而且地點仲咁近屋企添🤭。