影片
更多
2024-04-20
130 浏览
之前有朋友送咗电影券比我，所以呢今日就用咗佢，睇戏之前梗系食返餐饱先啦，朋友话想食西餐，于是就带咗我去地库嘅一间餐厅。喺门口已经见到好有心机装饰，而个橱窗仲有好多蛋糕同埋唔同嘅啤酒，一于就入去食啦。一坐低侍应就畀咗qr code我哋落单，而见到碟呢都系唔系净系普通白色碟，而系有唔同水果图案嘅碟。朋友话好肚饿，所以话想食好多嘢㖞。佢就见到又唔同嘅套餐，佢就计过pizza餐都好抵食，所以就叫pizza啦，个餐仲有沙律汤饮品同埋两个主食。等嘢食嘅时候都留意下呢度嘅装饰都有唔同例如有画同埋有花，打卡真系一流。见到隔离枱生日仲有生日蛋糕同埋即影即有相影添。话咁快慢煮鸡胸日式胡麻沙律已经嚟到，一见到酱汁已经畀得好足同埋有好多唔同嘅蔬果，例如粟米，车厘茄，沙律菜同埋有迷你萝卜等。食落去非常之爽口，而且隔水隔得好好，唔会沟稀咗啲沙律酱，唔会话系好梅嘅菜。而我特别欣赏佢个鸡胸，完全颠覆咗平时鸡胸好嚡嘅感觉。咬落去非常之软身而且鸡味都好足。沟埋芝麻酱就非常之惹味！餐汤方面我同朋友都加咗钱要龙虾汤，上菜嘅时候已经见到佢有用淡忌廉拉花，所以卖相都好不错，一用匙羹毕落去嘅时候，仲见到又好多嘅虾肉，饮落去唔会系死
话咁快慢煮鸡胸日式胡麻沙律已经嚟到，一见到酱汁已经畀得好足同埋有好多唔同嘅蔬果，例如粟米，车厘茄，沙律菜同埋有迷你萝卜等。食落去非常之爽口，而且隔水隔得好好，唔会沟稀咗啲沙律酱，唔会话系好梅嘅菜。而我特别欣赏佢个鸡胸，完全颠覆咗平时鸡胸好嚡嘅感觉。咬落去非常之软身而且鸡味都好足。沟埋芝麻酱就非常之惹味！
餐汤方面我同朋友都加咗钱要龙虾汤，上菜嘅时候已经见到佢有用淡忌廉拉花，所以卖相都好不错，一用匙羹毕落去嘅时候，仲见到又好多嘅虾肉，饮落去唔会系死咸，饮完之后要系咁饮水嘅味道，而系饮得出𠮶种鲜味。餐包系蒜蓉包，我觉得佢落蒜蓉牛油嘅份量适量，啱啱好咬落去嘅时候有微微嘅蒜香味，唔会话食完之后好惊会臭亲隔离，而且佢呀烤嘅程度啱啱好，唔会话咬落去会刮伤个嘴。拎嚟点汤或者就咁食都好好食。
食到一半嘅时候煮菜就到，系波士顿龙虾占米多黑松露阔面，一见到龙虾就已经流晒口水上面仲有啲鱼子酱喺度。龙虾肉唔会焗到好老有佢嘅蛋口，而且上面嘅芝士汁唔会话过度喧宾夺主而蟹籽同埋鱼子酱就用嚟增加口感，配落去烟靭嘅阔条面就好啱啦。阔条面吸收晒龙虾酱嘅汁，食落去非常之惹味，意粉仲有唔同种类嘅菇配搭返就会健康好多。
其实食完意粉都已经开始有啲饱，然后主角pizza就出现啦。今次我哋叫咗招牌明太子海鲜薄饼。佢嘅明太子汁唔会话辣所以唔食得辣嘅，我都食到入边除咗有三色椒，洋葱之外，海鲜方面有小龙虾，吞拿鱼，烟三文鱼，蟹柳等。佢系薄批，所以呢就唔会越食越肥腻，有龙虾嘅爽口，食嘅时候就会闻到烟三文鱼同吞拿鱼嘅香味，再配上木鱼同紫菜碎。食落去口感就丰富多两倍。。Pizza嘅每一个部份都铺满晒材料，所以就唔会话一边有另一边冇嘅情况出现。
本身都已经饱晒，但系女仔总有一个甜品胃。所以就加咗一个柚子芝士蛋糕。柚子芝士蛋糕软硬适中，啱啱好唔会越食越滞。而佢隔离嘅马卡龙饼又系一咬即断，唔会硬到好似石头咁。而摆盘嘅朱古力熊仔饼同埋绿色饼干脆口得来又有另一样嘅风味。店家仲好贴心除咗士多啤梨酱之外，仲有另一款酱俾你去点又可以丰富咗个口感啦。
最后饮品，我同朋友分别叫咗蜜桃果肉芝士奶盖同活乳酸覆盆子梳打，奶盖系相对清爽，捞埋蜜桃茶饮就非常之夹，而蜜桃嘅果肉亦都唔会甜到好似化学味咁样。梳打方面，朋友就叫咗少甜，一方面话梳打好够气，而少甜得来真系做到少甜嘅效果。下次就可以试吓佢嘅海鲜拼盘。
张贴
