西門町台灣麵食 (已結業)

今晚朋友早收工約我去旺角一間台式餐廳食飯，呢間餐廳有好多款式選擇多到唔知點揀所以我哋最後選一個二人餐，二人餐可以選擇三個菜式加兩碗飯或者麵食仲有飲品同埋甜品添。北投怪味雞呢個菜式個名好特別，係啲雞肉嘅面頭淋上d秘製醬汁食落好開胃啲雞肉都好嫩滑。腐皮蚵仔卷台灣蚵仔煎就成日都食到但係用啲腐皮嚟包住蚵仔真係第一次食，啲腐皮炸到脆卜卜入邊有啲大大隻嘅蚵仔點埋啲甜甜辣辣嘅醬汁非常開胃。五味山珍其實係一個素食冷盤，用咗青瓜，蘿蔔，木耳，豆腐乾仲有大菜絲黎切到一條絲，配埋啲麻油味超好味。仲有兩碗擔擔面濃稠度適中，有微微花生醬香味配上肉碎味道剛剛好。飲品方面我哋叫咗一杯芒果雪香同埋一杯青蘋果雪香兩杯味道都偏甜少少下次可以叫返少甜比較好。整體來講呢間餐廳性價比一流而且食物都好大份絕對值得再嚟。