發記海鮮酒家

营业中

休息中

趁放假出去走走， 嚟到布袋澳0係大自然環境食海鮮。去左~發記海鮮酒家～，行入餐廳，越行越深，原來餐廳好大間，行到窗邊位，望住個海 ，感覺好chill。蒜蓉粉絲蒸元貝，元貝肥美如白玉，鋪上滿滿既蒜蓉同粉絲，蒸既時間剛好，食落彈牙鮮甜，粉絲吸盡精華。 椒鹽鮮魷，脆漿薄如蟬翼，外皮酥脆包著彈牙的魷魚，蘸喼汁更添酸甜層次，佐酒一流。 椒鹽瀨尿蝦，大大隻瀨尿蝦，椒鹽滲入殼縫，蝦肉鮮甜，連殼咀嚼椒鹽辛突出。 豉椒炒蟶子肥腸底，蟶子超嫩，豉椒醬濃烈，肥腸即係腸粉，吸足醬汁，餸飯一流。 椒絲腐乳炒生菜，脆嫩生菜，掛著乳白色醬汁，腐乳鹹香，原來炒生菜都咁好味。 鹽水雞腳，雞腳浸煮得膠質軟糯，沙薑醬，鹹鹹香香。 呢度好舒服，野食又好味，下次要再黎。