滿泰小廚

营业中

休息中

有朋友約去行山，話行去西貢，我一聽到西貢，只掛住西貢美食，並冇考慮行山有幾辛苦，於是一口答應。最後行到死死下，朋友一路行山，一路不斷話：行完去食泰國嘢，比心機呀。朋友仲話滿泰平、靚、正，又大碟。滿泰是在一條冷巷仔內，佔有幾個細少的舖位，每個舖位都是两、三張枱而已。先來一碟木爪沙律，真係好大碟，成座山咁高。又酸又辣，好醒胃。木爪好爽，有少量豆角、牙菜、花生做配襯。炒金邊粉。有四隻蝦在面，有牙菜、蒽、花生粒做配襯，味道極似夏門炒米的味道。滷水雞翼金邊粉，36元。雞翼超大隻，一碗有三隻，我從未在食肆吃過如此大的雞翼，雞翼味道適中，不太咸不太淡。湯應是用蘿蔔淆出來的，絕不是味精湯。