洪記海鮮酒樓

营业中

休息中

帶晉豬去西貢沙灘游水，出發前去碼頭飲返個靚茶先，黎到碼頭其實幾多野食下，晉爸鍾情呢間洪記，咁我地就門口搵返個位坐，幾部大風扇吸住又唔覺熱，其實酒家裡面好大，有冷氣嘆，不過費時一冷一熱就坐門口！要自己係門口拎點心！牛肉球，肉質唔係實的的，似自家手造，裡面好多馬蹄，幾好味幾爽口，唔錯蝦餃，裡面充滿粒粒蝦仁，蝦味濃又爽口，我覺得好好味燒賣，最花心機既點心，配料十足，大大粒，唔錯我最愛咸水角，熱辣辣脆卜卜，但皮有點厚，如果薄d會仲好，煙煙韌韌整體幾好味鮮蝦腸粉，腸粉唔夠滑，新鮮蝦肉搭救，味道一般！鮮竹光，好奇佢做咩擺舊番茄係面一齊蒸，夠到d汁都有番茄味，我覺得怪怪地！