影片
更多
2011-05-30
110 浏览
尋日同朋友去完半月灣, 出黎西貢諗住食海鮮點知鬼掩眼入左世興叫左個二人餐, $288, 可以揀四款海鮮, 送一碟菜同生果點知第一碟蟶子黎到已心知不妙, 極為細碟佢將蟶子肉切碎左, 蟶子殼伴底蟶子殼得兩隻, 睇番蟶子肉份量應該真係得兩隻蟶子...即係每人分得一隻之後黎左椒鹽瀨尿蝦, total 得四隻中型 size o既瀨尿蝦每人分到兩隻蒜茸蒸扇貝, total 兩隻中型 size 扇貝每人分到一隻, 朋友話唔多新鮮最後黎埋隻蟹, size 偏細都算喇蟹膏唔知點解得番半邊痴住o係蟹蓋, 另外半邊不知所蹤 問男職員點解冇左半邊膏, 點知佢話:1. 果塊係蟹皮, 唔係蟹膏 (但後來我地食左, 確實係蟹膏)2. 拆隻蟹果陣已經係咁, 係會得一邊有果塊"蟹皮"恕小妹見識少, 乜真係有蟹會得一邊係有膏, 另一邊冇膏??我就問職員:"即係你話隻蟹天生得一邊有果舊野(佢所謂o既"蟹皮", 實質為蟹膏)??"呢個時候有位事頭婆好惡好大聲咁問:"咁你想要有幾多邊有呀?!!"ok~ 這就是服務態度!我地唔係想要有十萬九千七舊蟹膏, 但求係完整冇甩漏但佢咁o既態度, 嗌黎都冇結果, 所以無謂拗最後食完渣渣臨俾
點知鬼掩眼入左世興叫左個二人餐, $288, 可以揀四款海鮮, 送一碟菜同生果
點知第一碟蟶子黎到已心知不妙, 極為細碟
佢將蟶子肉切碎左, 蟶子殼伴底
蟶子殼得兩隻, 睇番蟶子肉份量應該真係得兩隻蟶子...
即係每人分得一隻
之後黎左椒鹽瀨尿蝦, total 得四隻中型 size o既瀨尿蝦
每人分到兩隻
蒜茸蒸扇貝, total 兩隻中型 size 扇貝
每人分到一隻, 朋友話唔多新鮮
最後黎埋隻蟹, size 偏細都算喇
蟹膏唔知點解得番半邊痴住o係蟹蓋, 另外半邊不知所蹤
問男職員點解冇左半邊膏, 點知佢話:1. 果塊係蟹皮, 唔係蟹膏 (但後來我地食左, 確實係蟹膏)
2. 拆隻蟹果陣已經係咁, 係會得一邊有果塊"蟹皮"
恕小妹見識少, 乜真係有蟹會得一邊係有膏, 另一邊冇膏??
我就問職員:"即係你話隻蟹天生得一邊有果舊野(佢所謂o既"蟹皮", 實質為蟹膏)??"
呢個時候有位事頭婆好惡好大聲咁問:"咁你想要有幾多邊有呀?!!"
ok~ 這就是服務態度!
我地唔係想要有十萬九千七舊蟹膏, 但求係完整冇甩漏
但佢咁o既態度, 嗌黎都冇結果, 所以無謂拗
最後食完渣渣臨俾錢走, 免得谷氣
總括呢一餐, 每人$16X (因為另加白飯同茶錢)
每人食左:
蟶子 一隻
瀨尿蝦 兩隻
扇貝 一隻
蟹 半隻
菜 半碟
白飯 一碗
橙 半個
可能用呢個價錢平時o係市區食到咁o既份量都算 ok
但o係西貢黎講, 呢間世興真係好唔抵食
佢咁樣做生意法, 個個黎到食過一次之後真係唔會有第二次
仲要周圍咁多其他食肆同佢競爭, 可以生存到今日真係一個謎
我同朋友食完呢餐完全唔飽, 仲要一肚氣, 有強烈被呃的感覺
大家去西貢食海鮮, 如果想去呢間世興, 敬請三思, 唔好貪平
若然自問食量好細, 唔怕海鮮唔新鮮, 可以一試
张贴
