嘰哩咕嚕

行過西貢食街，見到呢間新開嘅小店「嘰哩咕嚕」，門口嗰張酸辣粉相搞到我即刻流晒口水，男友見我咁鬼眼金金，二話不說就衝咗入去拎餐牌。打開menu，選擇多到眼花繚亂，我哋決定試吓佢哋嘅招牌酸辣粉（$35）。酸辣粉湯底好濃郁，入面仲加咗花生、芝麻、榨菜等配菜，牛肉都俾咗七塊，真喺好足料！薯粉比較幼身，但咬落好彈牙，仲有啲辣辣地，食到我男友都停唔到口添。