泰誇張

营业中

休息中

估唔到原來西環都有一間好地道嘅泰國菜，仲要好近地鐵站，今次同朋友去咗西環行街買海味，點知返去地鐵站嗰時就見到間泰國菜，所以就入咗去試吓，自從西環開咗地鐵之後，真係方便咗好多😗呢間泰國菜價錢都好實惠，而且味道都唔錯，今次就叫咗個冬陰功湯，生菜包，香葉包雞，泰式雞肉炒河粉，食泰國菜又點少得叫泰國奶茶同龍眼冰，最後仲叫咗千層斑斕糕同椰子大菜糕小編重點推介佢哋嘅泰式雞肉河粉，河粉喺泰國嚟，真心好夠煙韌，同平時食嗰啲泰式炒河粉好唔同，好有口感！另外，仲有冬陰功湯都好足了，好夠濃味，而且仲有好大蝦同埋蘑菇做湯料，正！