上次去左近西營盤C出口斜坡上既店，今次去另一間分店，近電車路正街口。呢間分店座位不多，環境闊落，亦有房可以包廂。
🧊涼菜
🐔砵砵雞（$128）
- 深紅色既麻辣醬料浸滿了雞件，麻辣醬料有🌶紅辣椒、花椒、芝麻、醬油，令雞件好惹味，而且仲有好多青瓜粒做伴菜，係爽脆既口感。
🍴招牌菜
🐟酸菜桂花魚（$298）
- 份量十足，一大個熱鍋上， 成條切開哂既桂花魚係入面，好多魚肉，而且仲有好多酸菜、萵筍同粉絲。呢個餸好入味，對於唔算食得辣既我來說辣度十足🌶，配搭住酸菜一齊食，酸酸辣辣的，讚！😋
✨️私心推介小食✨️
🥠黃金饅頭 （$58/6個）
- 呢個炸饅頭上次黎已經食過，一試難忘！炸饅頭食得出係廚房即叫即炸，饅頭炸到金黃色，而且炸得剛剛好，做到外脆內鬆化既口感，熱辣辣點煉奶食🍼，真係好滿足，而且正好中和返涼菜主菜既辣味，真係食到停唔到口，唔係因為兩個人食飽飽地，真係想叫多一碟😝
🥤Coke zero ($18)
餐廳仲有好多招牌菜，好似麻辣小龍蝦🦞、麻辣香鍋、水煮魚/牛、毛血旺、 夫妻肺片等等，真係多啲人黎食先試得哂！🤗
