Tulsi & Wine (已結業)

同男友行完街，接埋朋友收工，就兩對情侶一齊去西環食野！我地簡左個天多羅燒烤盤（HK＄568)係二人份量，包埋是日餐湯或沙律，及新鮮即製烤包及薄餅及咖啡茶，烤包好香脆，仲擦左松露係上面，香味增加！就算蘸餐湯都好好食！另外仲叫左龍蝦蕃茄意大利飯（HK＄158) 上檯個陣已經聞到濃濃既蕃茄味，飯上面放左隻大大隻龍蝦，龍蝦肉夠彈牙，仲有芝士係面添！哩個就係天多羅燒烤盤，真係乜都有，有蠔、龍蝦、蝦、羊扒、燒雞、好鮮甜既燒菠蘿，好足料！最後仲有迷你煙三文魚薄餅，薄餅充滿空氣感脹卜卜，再鋪上火箭菜﹑紅椒﹑煙三文魚。整體黎講4個人食岩岩好夠飽！