Ollies (已結業)

今日難得放假，所以就去遠d ，同朋友黎個西環一日遊。 社交平台 見到d 食物好吸引，而且係星期日仲有得book枱，所以就book咗試一試。去到，我同朋友就已經鎖定目標，一定要食牛油果。因為喺香港要食到好食嘅牛油果真係好難，所以通常要西式餐廳先好食。咁我同朋友，就分別帶叫左兩個唔同牛油果嘅菜式。到咗之後，我哋兩個雙眼發光。佢啲牛油果多到好似唔駛錢咁，超足料。而且仲要係超好味嘅牛油果，又香又夠霖，而且佢個麵包底都好吸引。我朋友嘅粟米薄餅都好好食。而且我同佢兩個都有煙肉，好多地方食嘅煙肉都好難食，又咸又硬。依一間好好食，味道啱啱好。不過因為天氣太凍，我哋坐嘅位近門口。所以食物凍得好快，不過都唔影響食物嘅味道。值得一提，舖頭有開暖氣真係好貼心。仲有佢係歡迎寵物入去㗎，依間舖頭嘢食又好味，服務態度又好。值得一讚。