La Postre (厚福街) (已結業)

朋友生日，揀咗佢最鍾意食嘅西班牙餐慶生。餐廳位於尖沙咀厚福街，店舖細細，但裝修幾有特色。餐廳美食多選擇，有套餐、意大利粉、薄餅、沙律、甜品及飲品等。餐牌嘅圖片相當鮮艷，而食物嘅實際賣相亦吸引，顏色配搭豐富，味道出色。尤其是西班牙海鮮墨汁飯，好受客人歡迎。多種新鮮海鮮滿滿的鋪係意大利飯上，一上檯已手機拍不停。大蝦同帶子彈牙，黑萌萌嘅墨汁意大利飯，睇落有d怪怪哋，但食落飯粒煙韌帶有濃郁嘅海鮮味，好有口感。食完成個口同棚牙都黑晒。最後嘅甜品為呢頓慶生餐帶來滿足感。