影片
更多
2019-09-26
83 浏览
今日同朋友黎到珀薈酒店，餐廳位於19樓，望到尖少咀既街景同海景。晚上黎食飯呢到既氣氛真係好好，燈光較暗氣氛好柔和，而且餐廳人流唔多，可以靜靜咁慢慢享受今日既晚餐。餐廳的空間雖然比較細，但坐落一D都唔逼。我地叫左個熱情西班牙（Pasión Española” Set Dinner）」主題晚餐，價錢唔算貴$398人位，未計加一。未上菜前先有餐包，點上餐廳調配既蕃茄醬，好好味。前菜有西班牙黑毛豬風乾火腿，Iberico ham 切得好夠薄，肉連埋油脂，非常甘香味美，配沙津菜同加上酸酸甜甜既醬中和左佢既鹹味。餐湯同朋友各一，加利西亞雜菜湯同蕃茄忌廉湯配脆風乾火腿。雜菜湯味道好清甜，蕃茄忌廉湯好cream，但蕃茄味可以再濃少少，脆風乾火腿同岩岩既黑毛豬風乾火腿口感好唔同，脆風乾火腿宥d似煙肉，好香脆，同個湯好夾。香煎蟹餅配熱情果蛋黃醬，蟹餅好軟滑，食得出蟹既解甜味。主菜一共有五款可挑選，我地叫左個烤伊比利亞豬架同烤龍蝦尾配西班牙海鮮飯。豬架都幾厚身，肉質都幾嫩，唔會難咬，烤得好香，配埋鷹嘴豆，同醬汁，好飽肚。西班牙海鮮飯要另加$68，龍蝦尾已經拆好殼，直接可以輕易食到蝦肉，龍蝦肉質好鮮甜，配上軟
晚上黎食飯呢到既氣氛真係好好，燈光較暗氣氛好柔和，而且餐廳人流唔多，可以靜靜咁慢慢享受今日既晚餐。
餐廳的空間雖然比較細，但坐落一D都唔逼。
我地叫左個熱情西班牙（Pasión Española” Set Dinner）」主題晚餐，價錢唔算貴$398人位，未計加一。
未上菜前先有餐包，點上餐廳調配既蕃茄醬，好好味。
前菜有西班牙黑毛豬風乾火腿，Iberico ham 切得好夠薄，肉連埋油脂，非常甘香味美，配沙津菜同加上酸酸甜甜既醬中和左佢既鹹味。
餐湯同朋友各一，加利西亞雜菜湯同蕃茄忌廉湯配脆風乾火腿。
雜菜湯味道好清甜，蕃茄忌廉湯好cream，但蕃茄味可以再濃少少，脆風乾火腿同岩岩既黑毛豬風乾火腿口感好唔同，脆風乾火腿宥d似煙肉，好香脆，同個湯好夾。
香煎蟹餅配熱情果蛋黃醬，蟹餅好軟滑，食得出蟹既解甜味。
主菜一共有五款可挑選，我地叫左個烤伊比利亞豬架同烤龍蝦尾配西班牙海鮮飯。
豬架都幾厚身，肉質都幾嫩，唔會難咬，烤得好香，配埋鷹嘴豆，同醬汁，好飽肚。
西班牙海鮮飯要另加$68，龍蝦尾已經拆好殼，直接可以輕易食到蝦肉，龍蝦肉質好鮮甜，配上軟腍又充滿醬汁既飯，好美味。
更有多隻蜆同青口仲有炸魷魚圈。
甜品:鮮莓窩夫配雜莓乳酪雪糕
份量比較細，作飯後甜點剛好，窩夫外脆內軟，食埋甜品真係非常滿足。
张贴
