182
8
5
等级8
2020-08-19 3730 浏览
本来计划好晒今年四月计划去西班牙一趟,但因新冠疫情系,当然要被逼取消啦,机票还好可以退,但住宿就要扣起啲手续费,幸而叫做金钱损失唔太大,但花咗好多心机安排就叫做白白浪费。一直对西班牙之旅都好期待,最近知道Tapa Room推出咗个外卖直送嘅「Vacation Box」,之前,亦已试过佢哋嘅出品,有信心,出国唔成,就晌屋企搞番个西班牙美食之夜,等个肚仔去住旅行先。上返官网睇睇,个「Vacation Box」嘅基本起表价喺$298(原价要$420),包咗一客二人份嘅西班牙海鲜锅饭、两道冷盘(西班牙火腿及蜜糖茄子卷、薄切慢煮八爪鱼)及两客西班牙水果茶啫喱。此外,亦有6款招牌冷盘、西班牙果酒、非酒精特饮可以额外加配,每日下午3:00pm截单,当晚6:00-8:00pm送货,真喺日头即兴想夜晚食餐西班牙菜都无问题。但温提一下,满$500就免费送货,否则,就要收番$80作为运费,服务范围亦只有九龙及香港岛啫。送货前,送货嗰边都有whatsapp嚟做地址确认,而整个外送包装,冷热食物都会分开以保温袋包装好。打开保温袋,估唔到再有个精美包装硬盒装起所有食物,绝对唔会嚟到时压到啲食物变形或走样,真喺连包
更多
本来计划好晒今年四月计划去西班牙一趟,但因新冠疫情系,当然要被逼取消啦
,机票还好可以退,但住宿就要扣起啲手续费,幸而叫做金钱损失唔太大,但花咗好多心机安排就叫做白白浪费。一直对西班牙之旅都好期待,最近知道Tapa Room推出咗个外卖直送嘅「Vacation Box」,之前,亦已试过佢哋嘅出品,有信心,出国唔成,就晌屋企搞番个西班牙美食之夜,等个肚仔去住旅行先
193 浏览
0 赞好
0 留言
上返官网睇睇,个「Vacation Box」嘅基本起表价喺$298(原价要$420),包咗一客二人份嘅西班牙海鲜锅饭、两道冷盘(西班牙火腿及蜜糖茄子卷、薄切慢煮八爪鱼)及两客西班牙水果茶啫喱
。此外,亦有6款招牌冷盘、西班牙果酒、非酒精特饮可以额外加配,每日下午3:00pm截单,当晚6:00-8:00pm送货,真喺日头即兴想夜晚食餐西班牙菜都无问题。但温提一下,满$500就免费送货,否则,就要收番$80作为运费
,服务范围亦只有九龙及香港岛啫。
Vacation Box
17 浏览
0 赞好
0 留言
送货前,送货嗰边都有whatsapp嚟做地址确认,而整个外送包装,冷热食物都会分开以保温袋包装好。打开保温袋,估唔到再有个精美包装硬盒装起所有食物,绝对唔会嚟到时压到啲食物变形或走样,真喺连包装都见到心思,好多细节位都做到一丝不苟。最惊喜喺个西班牙海鲜饭,直头原镬咁送嚟
Vacation Box
26 浏览
0 赞好
0 留言
Vacation Box
$568
27 浏览
1 赞好
0 留言
Red Sangria $48 / Grapefruit Sangria $48

讲到西班牙菜,就一定会想起西班牙果酒(Sangria),唔饮得酒嘅都无问题,佢哋亦有啲非酒精特饮俾客人拣,每樽足500ml,只卖$48,非常抵饮,尤其西班牙果酒。事实上,一饮你就知无将货就价,好足料,前者红酒渗出阵阵果香,继而散发出一股微微酒劲;後者嘅西柚特饮带着自然嘅西柚清香,却有添一份果香嘅层次感。
Red Sangria / Grapefruit Sangria
$48
30 浏览
1 赞好
0 留言
西班牙火腿及蜜糖茄子卷(套餐)

基本套餐包咗两款西班牙冷盘,呢一款喺一道好有惊喜嘅菜式,以西班牙火腿加上薄片嘅茄子卷住啲沙律菜做成,佐以黑醋及蜜糖,就算乜都唔点,单喺件火腿茄子卷咬落已好有层次感,味道咸香中诱发出清爽感,再试试沾上黑醋及蜜糖,味道更多变咗,是晚嘅推荐菜式之一。
西班牙火腿及蜜糖茄子卷
15 浏览
1 赞好
0 留言
薄切慢煮八爪鱼(套餐)

呢一款冷盘之前晌店铺都食过,真喺店家嘅几招牌,而套餐都包埋就真好。个八爪鱼嘅最大卖点,就喺捕获後由当地即时慢煮5个钟,之後再空运过嚟,再嚟薄切後,块块都厚薄均一,伴以自家制嘅蕃茄蓉初榨榄油,令味道油润清新,而八爪鱼嘅质感柔韧带咬口感,再细嚼八爪鱼嘅鲜味更突出。
薄切慢煮八爪鱼
16 浏览
1 赞好
0 留言
加泰隆尼亚式烤杂菜沙律 $48 

记得店家有一道好好食嘅「蟹肉及辣忌廉芝士酿烤甜红椒」,不过,散点项目就未有供应,不过,想试西班牙出名嘅甜椒,就可以考虑试吓呢道烤杂菜沙律,因为,主食材就喺用咗西班牙出名甜椒,烤焗好再伴以初榨榄油,洒点香草,甜椒烤到软化晒,入口阵阵清甜味,简单自然。如果家中有啲百吉包,不妨切成薄片,佐以甜椒同食,一样好滋味。
加泰隆尼亚式烤杂菜沙律
$48
14 浏览
0 赞好
0 留言
棒棒鹅肝 $58 

睇番啲食评记录,堂食一客要$78,仲只喺有3支,但依家就$58 ,却有4支,性价比已经高咗好多。基本上,跟堂食嘅一样,都做得精致,鹅肝搵白酒蒸煮过再搓成丸,入口口感绵密丰厚,鹅肝嘅香腴浓郁;同样伴以开心果仁、喜玛拉亚岩盐及黑胡椒粒所做成嘅佐料,令整体味道变得更具层次。
棒棒鹅肝
$58
10 浏览
1 赞好
0 留言
西班牙黑毛猪火腿24个月 $68 

讲到西班牙小食,点少得经典嘅西班牙黑毛猪火腿吖,晌一啲西班牙餐厅,更备有24、36、48个月嘅种类,小弟甚至有见过去到60个月,当然风乾熟成嘅日子越长,定价又一定越贵,但我哋呢啲唔喺咩食家嘅大众,24个月嘅货色已经喺好够皮。事实上,啲黑毛猪火腿油润而富光泽,入口肉质细腻,味道咸香,一片火腿,一啖西班牙果酒,喺极优雅嘅享受。
西班牙黑毛猪火腿24个月
$68
7 浏览
0 赞好
0 留言
西班牙海鲜锅饭(套餐)

上文都提及过,「西班牙海鲜锅饭」喺原镬咁送嚟,非常揼本,而个镬咁靓仔,我哋就已经打算留起煮嘢用,绝对唔会嘥。专登对照番上次晌店内所试嘅西班牙海鲜饭,直情同晌店内食到嘅无分别,所以,感觉绝对唔似食紧外卖,饭面铺满海鲜,有大海虾、青口、大蚬、鱿鱼,用料绝对不赖,每款海鲜都鲜甜好食;红红嘅饭底充满海鲜香味,饭粒分明却入口湿润,唧埋少少柠汁,加埋啲蓝芝士酱,捞匀嚟食就更好味。
西班牙海鲜锅饭
5 浏览
0 赞好
0 留言
西班牙海鲜锅饭
10 浏览
0 赞好
0 留言
西班牙水果茶啫喱(套餐)

套餐仲包有两客甜品,虽然西班牙油条喺经典,但送到嚟都腍晒啦,而呢款水果茶啫喱亦喺佢哹招牌,因为用料十足,无欺场,以西班牙果酒为蓝本所做,啫喱味道好清香,配以大量夏日杂莓,打侧睇个杯身就见到有几多杂莓晌杯内,所以,整体而言,入口清甜酸爽,味道感觉自然,驱走晒夏日闷气,更平衡番之前食咗咁多道嘅浓味菜式。
西班牙水果茶啫喱
7 浏览
0 赞好
0 留言
除咗由保温袋、包装盒、个别食物格、冷热分开……等等做到一丝不苟之外,食物嘅卖相、用料跟堂食无太大分别,难得啲食物都保持到水准,尤其一系列冷盘、冻饮、甜品
,而个西班牙海鲜饭送到嚟都仲算暖暖哋,我哋就原镬放入大焗炉烘番热啲,故此,风味保持到。出国旅行唔知几时先得,今次总算以美食嚟感受吓一股西班牙热情
题外话/补充资料: https://www.tapa-room.com/products/tapa-room-delivery-box
(以上食记乃用户个人意见 , 并不代表OpenRice之观点。)
张贴
评分
味道
服务
卫生
抵食
用餐途径
外卖送餐
人均消费
$190 (晚餐)
推介美食
Vacation Box
$ 568
Red Sangria / Grapefruit Sangria
$ 48
西班牙火腿及蜜糖茄子卷
薄切慢煮八爪鱼
棒棒鹅肝
$ 58
西班牙黑毛猪火腿24个月
$ 68
西班牙海鲜锅饭
西班牙水果茶啫喱