今日介紹一間位於土瓜灣嘅餐廳，主打fusion菜，係少見嘅西班牙配上日式嘅配搭。
5
Still Tapas Set $698 / for two
呢個套餐包咗前菜、主菜同埋甜點。
9款前菜可以選三款，我哋揀咗松露白毛豬火腿飛碟、牛面頰迷你漢堡堡同埋油封鴨腿。
香濃嘅松露醬，加上鹹香嘅白毛豬火腿，配上香脆嘅飛碟麵包。
炆煮得入味軟腍嘅牛面頰肉配上牛油香味濃郁嘅漢堡包。
大大隻嘅油封鴨腿，肉嫩油香，配上酸酸甜甜嘅蕃茄醬。
十勝豚肉眼高菜漬
四款主菜入面我哋揀咗十勝豚肉眼高菜漬，厚切嘅十勝豚肉，肉眼部位，油脂豐富，口感軟腍，配上微甜嘅醬汁同埋酸酸嘅高菜漬，兩者味道互相中和，再配上軟滑嘅薯蓉。
焦糖蘋果金寶配雲呢拿雪糕
香甜嘅焦糖蘋果粒粒配上牛油味香濃香脆嘅餅皮仲有冰凍嘅雲呢拿雪糕。
另外我哋叫咗白酒同埋特色嘅西班牙鮮果特飲。
