RUBIA (已結業)

女朋友生日，搞搞新意思食西班牙菜。揀咗呢間因爲上甜品果陣仲會寫生日快樂，哄得女朋友幾開心。佢頭盤係芝士伴麵包，個芝士好清新，唔會好痴口，再伴隨麵包，食食下都好飽，不過仲係唔想停，好食到不停再食。主打係個肉眼排，我同女朋友都鍾意食偏厚啲嘅肉質，呢間西班牙菜就正正符合我地嘅要求。肉眼排肉身偏厚，當用刀切落去時，手腕都要多用幾分力，拎起舊肉都有重量，但肉質紋路清晰可見，而且食落更加唔會有韌到咬唔開嘅感覺，再配上西班牙風乾火腿同豬肉，鹽份控制得啱啱好，唔好覺得好口渴，呢個就係做到無味精嘅境界，大家真係需要嚟見識下正宗西班牙菜。