營利餐廳私房菜 (已結業)

今日好朋友帶我去西營盤食晚飯，我同佢都係住九龍，山長水遠走去西環食晚飯，其實我心裏有啲🤔🤬，不過佢話上星期公司聚會食過好正，所以要同我再來一次!一入到餐廳，老闆娘問我們有什麼是唔食的，我哋冇咩唔食，咁就開始廚師發辦！頭盤係（香芒帶子沙律）有啲似泰國菜，新鮮青檸，好清新開胃！之後燉湯（天麻藥膳燉花錦鱔頭）！一開蓋啲藥材味飄出來，飲完成個暖晒！之後到脆皮軟殼蟹拼椒鹽鮮魷！香脆！再嚟（生炆花錦鱔）！白鱔就食過，花錦鱔就從未聽過，食落去啲皮好爽，同埋放低嘅蘿蔔圈都好入味，老闆娘話成條鱔成 4斤幾，所以好肥美！然後到（香煎鵝肝多士配荔枝醬烤焗牛小排）,啲牛肉醬汁好惹味（荔茸香酥鴨）好鬆化，配柚子汁，另外仲有一碟蔥粒冬菇汁，兩種口味！正跟住到（薑汁炒芥蘭）有啲炸薑絲係面增加薑味但唔會辣！有心思！（膏蟹蒸糯米飯）！糯米飯加埋蟹汁！👍🦀甜品係（蛋白杏仁茶加懷舊芝麻卷）酒樓現在都好少見！杏仁茶好香杏仁味，不是杏仁霜開嗰啲！芝麻卷很香滑！呢餐好豐富，好回味個燉湯，飲完成個暖晒呢幾日咁凍至啱！老友無介紹錯，不枉山長水遠來到西營盤，下次會再來幫襯，老闆娘話早啲訂位和想食什麼都可以！不過我就鐘意大廚發辦，唔洗諗