影片
更多
2021-10-20
320 浏览
其實我黎嘅主要原因係為左佢嘅甜品，因為朋友極力推薦🤣🤣聽聞幾難book下，但有朋友幫手所以我完全唔使理帶個人去就ok🤣~~~🌻環境整體行日式簡約風，原木檯凳同白牆冇乜特別裝飾，不過如果係行文青風黎打卡就啱曬啦📸.🍄滑蛋菇菇飯($108)🪄7/10所有定食都包小碟、沙律、漬物同麵豉湯幾欣賞個湯，因為平時個啲又鹹，飲完又口乾，但呢度嘅完全唔會個飯食落似親子丼🤣只不過係將啲肉變成雞髀菇同本菇炒蛋夠香同滑，而菇菇預先炒過，煮得啱啱好，仲保留到菇汁飯淋嘅汁啱啱好，唔會太乾/濕👍🏻.🍙Good Good 燒飯糰茶漬($108)🪄7.1/10因為飯糰燒過所以食落幾香，而且茶都夠香濃，所以兩者夾埋一齊食幾match上面有啲梅子，撈埋食好開胃👅配菜就有菇、紫菜同埋一片炸蓮藕片，食食下仲feel到少少wasabi味呢個set仲有個玉子燒，味道正常發揮，食落不會好乾 (⚠️如果係vegan可以走蛋)雖然係簡單嘅材料，但食落有種好舒服嘅感覺(*´∇｀*)唔會因為係素食材料而令味道單調，碗入面嘅味道都好啱夏天食🌞.我地差唔多嗌曬餐牌上所有甜品，除左咖啡凍🤣因為朋友上次食過麻麻地🤣☕️炭燒咖啡香蕉蛋糕($78)🪄7/
聽聞幾難book下，但有朋友幫手所以我完全唔使理帶個人去就ok🤣
~~~
🌻環境
整體行日式簡約風，原木檯凳同白牆
冇乜特別裝飾，不過如果係行文青風黎打卡就啱曬啦📸
.
🍄滑蛋菇菇飯($108)🪄7/10
所有定食都包小碟、沙律、漬物同麵豉湯
幾欣賞個湯，因為平時個啲又鹹，飲完又口乾，但呢度嘅完全唔會
個飯食落似親子丼🤣只不過係將啲肉變成雞髀菇同本菇
炒蛋夠香同滑，而菇菇預先炒過，煮得啱啱好，仲保留到菇汁
飯淋嘅汁啱啱好，唔會太乾/濕👍🏻
.
🍙Good Good 燒飯糰茶漬($108)🪄7.1/10
因為飯糰燒過所以食落幾香，而且茶都夠香濃，所以兩者夾埋一齊食幾match
上面有啲梅子，撈埋食好開胃👅
配菜就有菇、紫菜同埋一片炸蓮藕片，食食下仲feel到少少wasabi味
呢個set仲有個玉子燒，味道正常發揮，食落不會好乾 (⚠️如果係vegan可以走蛋)
雖然係簡單嘅材料，但食落有種好舒服嘅感覺(*´∇｀*)
唔會因為係素食材料而令味道單調，碗入面嘅味道都好啱夏天食🌞
.
我地差唔多嗌曬餐牌上所有甜品，除左咖啡凍🤣因為朋友上次食過麻麻地🤣
☕️炭燒咖啡香蕉蛋糕($78)🪄7/10
好清楚見到三層咖啡蛋糕，中間再夾左咖啡凍同香蕉cream，最底係朱古力脆脆餅底
成個蛋糕都幾濃咖啡味，鍾意☕️嘅人食應該會幾開心😇
蛋糕食落鬆軟，甜度啱啱好
唔會有過苦嘅咖啡味，cream都唔膩
不過整體黎講味道冇咩特別，係一款正常發揮的甜品
.
🍑夏日狂桃 Momoko($88)🪄7.2/10
見到即刻心心眼😍因為真係整得好精緻好靚
啱啱望翻價錢先發現佢size最細但最貴😳果然靚嘢係要付出代價🙂
其實佢係帕芙洛娃蛋糕🍰即係一種蛋白酥作為基底的蛋糕
可能因為有蛋白酥，整體偏甜
之前係一間酒店餐廳食過另一款蛋白酥，甜到我食左兩啖已經擺埋一邊🥴
所以呢個我食落接受到已經唔錯👍🏻
入面有啫喱同一層蛋糕仔，配埋上面嘅cream、桃肉、杏仁脆片一齊食，有多重享受🤗
但整體桃味唔夠出，可能畀蛋白酥嘅甜搶左風頭xd
.
🍮焦糖雞蛋布丁($58)🪄7.3/10
布丁用高身杯裝住，上面仲有忌廉唧花同櫻桃，望落好可愛ʕ•ᴥ•ʔ
朋友食第一啖已經即刻講：好滑啊～☺️
布丁夠蛋香，焦糖醬嘅比例都啱啱好，食完好幸福☺️☺️
.
🍍菠蘿嘅海($68) 🪄8/10
充滿創意、外貌同埋心機嘅甜品❤️
入面總共有6種配料，每一樣都為口腔帶黎不同的衝擊💥
上面插住燒金鑽鳳梨🍍味道香甜
菠蘿紫蘇雪葩食落好fresh🍨完全冇負擔
底部就有sparking water整成嘅啫喱做海洋🌊食落味道好新奇😂
成個甜品最鍾意食就係忌廉芝士個部分🧀好好味😋
配埋檸檬橄欖油&燕麥脆脆，味道夾得黎又有層次感
成個甜品都好清爽，好似刻住“夏天”呢個代名詞🏝
~~~
⭐️回頭指數🌕🌕🌕🌕🌘
其實黎之前一心諗住甜品，所以去到先知原來係吃素食😹
味道未去到驚艷，但整體黎講係好食嘅😋
就好似朋友說講，Good Good食嘅係細緻💕
見到幾多人嗌天婦羅飯，望落好吸引(˶‾᷄ ⁻̫ ‾᷅˵)
落完單先見到有啲後悔，希望再訪可以試到
如果主食會令我考慮再訪，咁呢度嘅甜品就一定會令我再訪，因為食落真係有驚喜😻
每一啖都感受到餐廳係有用心配搭過先推出，食完好幸福🥰
张贴