影片
更多
2021-11-08
185 浏览
西營盤地鐵站附近有間幾層高嘅藝術向餐廳，近排仲同日本插畫家Keigo合作。我一直都有追蹤開Keigo，一知道會開主題展覽，仲有主題美食都好期待。主食或甜品配餐廳主題特飲，組合價係$150，經網上預約優惠價為$109。個人認為價錢偏貴，食物唔試都無損失。展覽嘅3D打卡位、展品同商品都值得欣賞，地方唔算大。旋風呼拉包Artzbrew首次聯乘超人氣日本插畫家Keigo，即日起至11月尾推出作品展同主題食物。呢款主題漢堡夾有菠蘿、薯餅、羽衣甘藍同蕃茄，麵包表面印有漢堡包先生搞鬼厭世臉。味道上唔太令人驚喜，薯餅煎得幾脆但略嫌有啲燶。主食而言呢款算抵食啲。健康第一！迷迭香蔬菜芝士法包另一款主食係利用法棍麵包配搭迷迭香烤番茄、菠菜同羊奶芝士。自己本身唔食羊，但芝士意外地無咩羶味，蕃茄亦帶少許香氣，整體食落係清爽。惟法棍麵包質感未夠外脆內軟，食落整體偏韌且小麥香不足。薯仔頭剪髮記配松露蘑菇醬 $68薯仔先生變身為幼身炸薯條，加上松露蘑菇醬奉桌。薯條炸得幾香，但如果鍾情薯仔份量重啲嘅朋友會失望，因當中啲薯蓉份量唔多。醬料頗香，似松露混合他他醬嘅味道，入口相當開胃，可惜價錢偏貴。朱古力除咗朱古力，仲可以揀
旋風呼拉包
Artzbrew首次聯乘超人氣日本插畫家Keigo，即日起至11月尾推出作品展同主題食物。呢款主題漢堡夾有菠蘿、薯餅、羽衣甘藍同蕃茄，麵包表面印有漢堡包先生搞鬼厭世臉。味道上唔太令人驚喜，薯餅煎得幾脆但略嫌有啲燶。主食而言呢款算抵食啲。
健康第一！迷迭香蔬菜芝士法包
另一款主食係利用法棍麵包配搭迷迭香烤番茄、菠菜同羊奶芝士。自己本身唔食羊，但芝士意外地無咩羶味，蕃茄亦帶少許香氣，整體食落係清爽。惟法棍麵包質感未夠外脆內軟，食落整體偏韌且小麥香不足。
薯仔頭剪髮記配松露蘑菇醬 $68
薯仔先生變身為幼身炸薯條，加上松露蘑菇醬奉桌。薯條炸得幾香，但如果鍾情薯仔份量重啲嘅朋友會失望，因當中啲薯蓉份量唔多。醬料頗香，似松露混合他他醬嘅味道，入口相當開胃，可惜價錢偏貴。
朱古力
除咗朱古力，仲可以揀牛奶泡沫咖啡或者鮮奶泡沫，每款飲品都可以自選角色圖案印於面層，超級可愛。味道都係較普通同淡，朱古力香氣同味度未夠濃郁，口感偏稀。
慢~慢~嘆~提~拉~米~蘇 $78
提拉米蘇性價比同樣偏低，面層忌廉幾乎佔三分之二整體，雖然底層食到濃郁咖啡味濃郁嘅手指餅乾，但比例上嚴重失衡令甜品大失精粹。當日面層嘅樹懶圖案應該出現咗問題，好似失焦咁低清，希望店家會改善。
张贴
