📍 幸福單品咖啡 𝙷𝚊𝚙𝚙𝚒𝚗𝚎𝚜𝚜 𝚂𝚒𝚗𝚐𝚕𝚎 𝙲𝚘𝚏𝚏𝚎𝚎
.
.
呢間係位於西營盤嘅小店，主打咖啡同三文治🤤 雖然舖頭唔大，但係好有人情味😚 不過因為得兩夫妻打理，所以落單要自己寫紙仔再遞俾佢地🤣
.
⚪️ 真。幸福三文治 - HK$60
✏️ 呢款係其中一款必嗌嘅三文治，裡面有芝士、午餐肉、炒蛋、生菜同吞拿魚。一攞上手熱辣辣🔥啲料多到好易跌出嚟，份三文治超厚，女仔嘅話真係一啖都咬唔晒😆。雖然全部材料都好簡單，但係食落去真係好好食🤤。加咗黑胡椒嘅炒蛋配上午餐肉好香口，生菜好新鮮好甜，夾埋一齊食會減少咗份膩嘅感覺😚 略嫌芝士嘅份量少咗啲，不過食落去已經好滿足🤤
.
⚫️ 牛油果炒蛋芝士三文治 - HK$50
✏️ 呢份三文治比起真。幸福三文治薄，不過都唔細份🤤 三文治嘅口感一流，兩塊麵包都烘咗底，而裏面嘅餡料都屬軟身，所以食落去外脆內軟😋 另外，同其他Cafe嘅牛油果片相比，呢份三文治嘅牛油果可以話係「厚切」😍 唯一令我失望嘅係三文治嘅芝士都係太少，芝士味亦唔係好重😶 明明見到少量熱溶嘅芝士喺炒蛋同牛油果之間，但食落去又唔多覺🥺
.
⚫️ 布隆迪 - HK$45
✏️ 如果你係咖啡愛好者就要嚟試吓!!😍 小店主打咖啡， 總共有～50款唔同地區嘅咖啡俾你揀，價錢由$35-$180不等☕️ 今次我哋揀咗嚟自非洲嘅布隆迪，呢杯亦都係小店嘅Top 10。
因為太多選擇，我哋就叫老闆娘介紹啲唔酸嘅咖啡，最後揀咗呢杯🤤 老闆娘俾咗一細杯奶我哋，叫我哋落少少就好，如果唔係會蓋過咗咖啡本身嘅味道😯 我哋飲落去真係唔算好苦，唔洗點落奶，而且好滑，好易入口🤤有機會再試吓佢其他咖啡😍
.
.
1
