阿爺燒鵝餐室 (已結業)

屋企人好鍾意食燒鵝，今晚家庭聚會，買燒鵝係斬料首選。聽朋友介紹，話西灣河有間新開燒味店，次次經過都有人排隊，應該味道不錯，我今次就去試試。鋪面好光鮮，非常艷麗奪眼。服務員嬸嬸態度好友善，好有禮貌問我食乜嘢。我叫咗半隻燒鵝，$200 ，價錢合理。半隻燒鵝份量好大盒，未開外賣盒，已經聞到陣陣燒鵝香味。一開飯，大家就搶住食，燒鵝半肥瘦，唔太多肥膏，而且燒得非常香。朋友的確冇介紹錯，下次值得再幫襯。唯一美中不足，就係師傅斬得略為大件。