KAKU (已結業)

最近呢幾個星期六日都天灰灰又落雨，無得戶外活動，唯有周圍搵下野食。土瓜灣呢間Kaku主打西日fusion菜。餐廳樓底高，環境寬敞，梳化位好好坐。仲有落地大玻璃窗，光線十足。當日同朋友食Lunch。每個lunch set都跟湯或者沙律+餐包+野飲。椰菜花忌廉湯椰菜花味幾出，個湯幾creamy。沙律新鮮沙律菜配酸酸地既柚子汁好開胃。蜜桃烏龍茶 / 奇趣曲奇果粒茶 / 餐包呢個幾驚喜！個包好鬆軟之餘仲要係配紫菜味既牛油，特別得黎個味道好夾。而2杯茶都好香蜜桃同水果味。烤伊比利亞豬胺配檸檬牛油汁 $248豬胺油脂分佈均勻，肉味濃郁。檸檬牛油汁香得黎帶少少酸。香烤鱸魚配龍蝦汁配藜麥 茴香沙律 $158魚皮香脆，魚肉嫩。龍蝦汁唔會太濃而搶左魚味。