影片
更多
2023-02-18
112 浏览
嚟樂富 UNY 購物，行完走咗過去街市搵食。在場內行了一圈，喺轉角位見到有間燒味店，走近一看，原來係「燒洒一族」嘅新分店。之前喺啟田市場幫襯過，商舖專攻外賣，燒味價廉物美，一於食過返尋味。店舖主打西式風味新派燒味，有脆皮豬手、燒春雞、烤豬肋骨、西式燒味飯同一系列酒醉食品供應，花款非常之多，最適合就係同屋企人齊齊分享。買咗隻德式燒豬手、南乳燒春雞，另外再加咗兩盒飯同酒醉溏心蛋。特大德式燒豬手 ($98) 豬手勁大隻，份量十足，回家途中更不時傳出陣陣香氣，十分誘人。用焗爐翻熱後品嚐，豬手外皮脆卜卜，肉質嫩滑又鬆化，充滿鹹香味，同新鮮焗起嘅一樣咁正，點埋個蜜糖芥末醬，食到原汁原味的德國風味。蒜香南乳燒春雞 ($65) 春雞 Size 唔細，大大盒，超級墜手，雞皮燒得好香脆，肉嫩又多汁，連雞胸位都唔韌，輕輕一咬已食到淡淡南乳同蒜蓉嘅香味，水準一流！至於兩盒飯就選了黑椒煙鴨胸飯 ($35) 同 黑糖烤豬頸肉飯 ($32)。飯汁可以自選， 有蒜蓉、黑椒或蜜糖豉油。鴨胸軟腍粉嫩，食落有煙燻香；豬頸加咗黑糖嚟烤，入口甜甜地，爽滑又帶點油脂，好入味。另外幾隻酒醉溏心蛋 ($30) 都好正，流心嫩滑
嚟樂富 UNY 購物，行完走咗過去街市搵食。在場內行了一圈，喺轉角位見到有間燒味店，走近一看，原來係「燒洒一族」嘅新分店。
之前喺啟田市場幫襯過，商舖專攻外賣，燒味價廉物美，一於食過返尋味。
店舖主打西式風味新派燒味，有脆皮豬手、燒春雞、烤豬肋骨、西式燒味飯同一系列酒醉食品供應，花款非常之多，最適合就係同屋企人齊齊分享。
買咗隻德式燒豬手、南乳燒春雞，另外再加咗兩盒飯同酒醉溏心蛋。
特大德式燒豬手 ($98) 豬手勁大隻，份量十足，回家途中更不時傳出陣陣香氣，十分誘人。
用焗爐翻熱後品嚐，豬手外皮脆卜卜，肉質嫩滑又鬆化，充滿鹹香味，同新鮮焗起嘅一樣咁正，點埋個蜜糖芥末醬，食到原汁原味的德國風味。
蒜香南乳燒春雞 ($65) 春雞 Size 唔細，大大盒，超級墜手，雞皮燒得好香脆，肉嫩又多汁，連雞胸位都唔韌，輕輕一咬已食到淡淡南乳同蒜蓉嘅香味，水準一流！
至於兩盒飯就選了黑椒煙鴨胸飯 ($35) 同 黑糖烤豬頸肉飯 ($32)。飯汁可以自選， 有蒜蓉、黑椒或蜜糖豉油。
鴨胸軟腍粉嫩，食落有煙燻香；豬頸加咗黑糖嚟烤，入口甜甜地，爽滑又帶點油脂，好入味。
另外幾隻酒醉溏心蛋 ($30) 都好正，流心嫩滑，冰涼微醺，酒香怡人，令人回味無窮。
张贴
