影片
更多
2018-01-20
131 浏览
朋友喺大陸廠培訓大陸員工，食左一個星期工廠嘅工作餐，嘢食唔啱食，日日食唔飽喎。我就一早揀左間日本菜，門口有啲似西式酒吧，入面裝潢就幾有格調，西式吧枱隔離係料理枱，西日合璧。料理枱後面大大個螢幕，有時播緊日本靚景，有時就播日本料理師傅整緊嘢食，背景播住輕鬆音樂，感覺relax。佢今日落返嚟香港話要食返餐飽嘅，「餓底」出動，加上有個大大螢幕全晚都播住啲美食，更加刺激佢食慾。佢見到個串燒餐牌，就叫左個大拼盤。【八串拼盤$128】煙肉露筍卷、五花腩、雞皮、雞腎、一骨雞翼、雞柳大蔥、豆腐、冬菇，上枱時陣容強大，都幾大睇頭!食串燒不嬲都係貴，普通串燒專門店平平地都二三十蚊串。呢度尖沙咀日本餐廳，計返都係十幾蚊串，而家全部都燒到恰到好處，冇過燶。如果兩個人嚟宵夜食個串燒拼盤，份量應該夠。煙肉露筍就鹹甜配搭，露筍好爽甜，口感一流；五化腩就脂肪同肉差不多對半，食落滿口油香肉香，好食但亦好邪惡；雞皮串食落冇乜油，燒到好脆同乾身。我自己最鍾意就係燒雞翼，皮脆肉嫩，骨已經剪開左，食得方便；豆腐嘅皮又香又脆，熱辣辣。【炙燒芒果醬三文魚押壽司$128】押壽司即係將件壽司放入小木箱壓到長方型，係比手握壽司再多一層功
料理枱後面大大個螢幕，有時播緊日本靚景，有時就播日本料理師傅整緊嘢食，背景播住輕鬆音樂，感覺relax。佢今日落返嚟香港話要食返餐飽嘅，「餓底」出動，加上有個大大螢幕全晚都播住啲美食，更加刺激佢食慾。
佢見到個串燒餐牌，就叫左個大拼盤。
【八串拼盤$128】煙肉露筍卷、五花腩、雞皮、雞腎、一骨雞翼、雞柳大蔥、豆腐、冬菇，上枱時陣容強大，都幾大睇頭!食串燒不嬲都係貴，普通串燒專門店平平地都二三十蚊串。呢度尖沙咀日本餐廳，計返都係十幾蚊串，而家全部都燒到恰到好處，冇過燶。如果兩個人嚟宵夜食個串燒拼盤，份量應該夠。
煙肉露筍就鹹甜配搭，露筍好爽甜，口感一流；五化腩就脂肪同肉差不多對半，食落滿口油香肉香，好食但亦好邪惡；雞皮串食落冇乜油，燒到好脆同乾身。
我自己最鍾意就係燒雞翼，皮脆肉嫩，骨已經剪開左，食得方便；豆腐嘅皮又香又脆，熱辣辣。
【炙燒芒果醬三文魚押壽司$128】押壽司即係將件壽司放入小木箱壓到長方型，係比手握壽司再多一層功夫。押壽司口感比普通手握壽司更紥實，喺普通日本餐廳比較難見到所以都幾特別。壽司微焦嘅味道好香口，不過芒果醬味道唔突出。一碟有6件，價錢唔算貴～
【松露醬蟹壽司卷配松露分子料理$148】黑色嘅唔係紫菜，係一粒粒密集嘅黑魚子。卷物入面有櫻花蝦、黑松露、蟹肉、萵筍，上面係幾粒芥末味珍珠同一片菊花，味道有啲複雜，而且仲有啲辣粉，都幾辣，搶晒其他食材啲鮮味。
【海膽藜麥意粉$198】三文魚籽、海膽、蕃茄、巴馬臣芝士，加左啲mixed藜麥，而每條扁意粉都黐滿海膽醬汁，口感creamy又幾特別。
【藍莓鵝肝蕃石榴雪糕$148】最後朋友仲叫左呢個甜品，一上枱就聞到好香鵝肝味，鵝肝係熱嘅，面頭封煎得微焦，入面就半溶狀態，係好食。蕃石榴雪糕質地似雪葩多啲，味道清新。我覺得兩樣野分開食係好食，但感覺唔太夾，如果轉菠蘿味可能會夾啲~
服務唔錯，食物精緻有水準，但朋友今日實在太餓，全部都係飽肚嘢，真係好飽……
张贴
