影片
更多
2017-08-10
65 浏览
今日來到尖沙咀寶勒巷搵食～對對對，又係尖沙咀啦，無計啦放工就腳呀嘛～今次呢間餐廳位置唔算難搵，基本上喺寶勒巷由尖東方向個邊一入去行30秒左右已經見到！😗門口係落地嘅大趟門，一入去可見座位都唔少，右手邊一列都係卡位，左手邊就係普通座位多～由於今日係同家姐撐枱腳，侍應安排咗我哋坐卡位嘅二人枱～👭睇睇餐牌先～佢分別有普通menu同埋set dinner menu，我同家姐都叫咗set dinner (好似抵食D哈哈😝)家姐叫咗個set C「波士頓龍蝦伴鵝肝雞卷配蒜子燒汁」，而我就叫咗個set A「露筍海鱸魚卷蟹黃忌廉飯」🍛先來嘅係「有機藜麥田園沙律🥗」，在我自己而言，藜麥令呢個沙律加咗少少分～因為我本身都有食開藜麥呢樣健康食物～配合埋意大利黑醋同埋新鮮嘅沙律菜，為整個晚餐打開咗序幕～非常開胃～🤤是日餐湯為「黑松露雜菌湯配香草麵包🍄🍞」我習慣咗係點都飲啖湯先嘅～廚師無將湯入面嘅雜菌打到爛晒，令人飲每一啖湯嘅時候都有口感，而黑松露亦將成碗湯提升到另一個層次～我無將旁邊嘅香草麵包搽牛油，反而將佢浸落去碗湯，各人喜好啦～ 我就鍾意咁食的😝主菜嚟啦～～～😍「露筍海鱸魚卷蟹黃忌廉飯」🍛賣相吸引之餘，仲傳
對對對，又係尖沙咀啦，無計啦放工就腳呀嘛～
今次呢間餐廳位置唔算難搵，
基本上喺寶勒巷由尖東方向個邊一入去行30秒左右已經見到！😗
門口係落地嘅大趟門，
一入去可見座位都唔少，
右手邊一列都係卡位，左手邊就係普通座位多～
由於今日係同家姐撐枱腳，
侍應安排咗我哋坐卡位嘅二人枱～👭
睇睇餐牌先～佢分別有普通menu同埋set dinner menu，
我同家姐都叫咗set dinner (好似抵食D哈哈😝)
家姐叫咗個set C「波士頓龍蝦伴鵝肝雞卷配蒜子燒汁」，
而我就叫咗個set A「露筍海鱸魚卷蟹黃忌廉飯」🍛
先來嘅係「有機藜麥田園沙律🥗」，在我自己而言，藜麥令呢個沙律加咗少少分～
因為我本身都有食開藜麥呢樣健康食物～
配合埋意大利黑醋同埋新鮮嘅沙律菜，
為整個晚餐打開咗序幕～
非常開胃～🤤
是日餐湯為「黑松露雜菌湯配香草麵包🍄🍞」我習慣咗係點都飲啖湯先嘅～
廚師無將湯入面嘅雜菌打到爛晒，
令人飲每一啖湯嘅時候都有口感，
而黑松露亦將成碗湯提升到另一個層次～
我無將旁邊嘅香草麵包搽牛油，
反而將佢浸落去碗湯，
各人喜好啦～ 我就鍾意咁食的😝
主菜嚟啦～～～😍「露筍海鱸魚卷蟹黃忌廉飯」🍛
賣相吸引之餘，仲傳來陣陣嘅香味～～～
可能你問：說好的蟹黃呢？
原来咁啱當日無晒蟹黃了，所以轉咗做黑松露。
不過唔緊要！任何菇類嘅食物我都係大愛😍
海鱸魚味道鮮甜，啖啖肉，
肉質結實，同時肉汁亦保留喺入面，好鮮味！
而飯嘅質地不會太硬（但當然有一定嘅硬度，始終係意大利飯），
濃濃嘅黑松露忌廉汁包住每一粒飯，
好好味！份量亦啱啱好！😚
去到最後就係甜品時間～而是日嘅甜品係「朱古力慕絲蛋糕🍰🍫」
我最愛嘅朱古力呀！！！！！😍
朱古力慕絲低層係薄薄嘅朱古力海棉蛋糕，
食落去嘅朱古力味係非常重！
唔好睇佢好似細細舊，其實食完已經好飽啦😆
所以我同家姐都覺得呢個份量啱啱好！
總括黎講，
我覺得係值得一試，
因為餐廳嘅氣氛好之餘，食物質素都相當唔錯！
更加重要嘅係，店員嘅服務態度非常好😎
我會再來光顧的！！👍🏻
张贴
