拉斐特 (已結業)

今日同友人去旺角行街，友人就推介咗一間係窩打老道嘅隱世樓上西式cafe。拉斐特本身係一個專辦婚禮嘅集團，不過佢留下一部分嘅場地作為餐廳。👰🏻🤵🏻聽完友人咁講，我相信依間餐廳嘅食物質素一定有保證。😚餐廳正門放了一個好搶眼嘅紫色鮮花霓虹燈招牌，途人一睇就知係佈置得浪漫嘅婚禮場地。上到二樓，眼前的都是love為主題的裝飾，💕牆邊就係放滿酒嘅酒櫃～值得一讚嘅係每張凳都套上深紫色嘅椅套，給人感覺高貴典雅，浪漫滿屋嘅感覺。💜睇睇餐牌先～📋由於我哋都唔係太肚餓嘅關係，所以就叫咗一個頭盤同一個主菜，兩個人share食🍽頭盤就係「西班牙煙熏八爪魚($78)」🐙我最愛係佢酸酸味味嘅醬汁，非常醒胃！每一片慢慢咀嚼都食到好香嘅煙燻味，加上佢切得唔厚，唔會話好難先咬得爛～個人小貼士💁🏻：建議食一塊八爪魚之後，就食少少旁邊嘅沙律菜🥗淋上意大利黑醋嘅沙律菜更加開胃，而且啲菜好新鮮好甜添呀！😝主菜就係「西班牙海鮮飯($168)」🍛海鮮材料分別有原隻大蝦，青口，魷魚，帶子～白酒配上切粒嘅青紅黃椒，煮出來嘅飯口感豐富，酒味濃度又不會太過～值得一讚嘅係佢嘅大蝦真係好大隻！🍤總括而言，浪漫嘅氣氛好適合情侶夫婦來談下心，傾下計