Fish & Chick (高街) (已結業)

今晚同左男朋友出街去食飯，剛剛去完歐洲旅行回港，實在太掛住外國美食，男朋友就帶左我去一間餐廳食晚餐，餐廳主打Fish and Chips，我地就去左好有外國feel餐廳共進食個晚餐。餐廳有二人套餐，好抵食！不過我地唔太肚餓，所以單點試下。男朋友叫左烤雞半隻配甜粟米和薯蓉。雞肉好入味，外層烤得極是香脆香嫩，肉質嫩滑唔會鞋口，非常濃香濃味！甜粟米和薯蓉更是驚喜！我就叫左fish & chips，炸魚魚肉好滑溜，入口唔油膩，魚肉無雪味而且鮮甜味香，配沙沙醬更是滋味！薯條炸到香脆香口，條條都好粗好金黃！