肉料理とワインCARVING (已結業)

前菜先同朋友小酌一杯，燒酒加冰同檸檬，清清地易入口。接着先食個用大豆做主題既三味拼盤，和牛他他黑魚子手卷，外脆內軟，其次我好欣賞廚師既創意，第一次聽人用腐乳做撻底，配磯煮鮑魚原來味道咁搭配。第二道係阿根廷紅蝦配水雲、海蒲萄及紫蘇花，水雲做base 口感非常slimy，水雲係日本一種特色海藻類，紅蝦燒得惹味，蝦肉爽口彈牙，牛舌三味分別配上柚子燈籠椒、山葵、蕃茄梅子，我個人最喜歡係山葵因為食到牛舌油脂感同時有種嗆勁，好刺激。一夜干三文魚約克布甸，先用清酒浸三文魚子，配淡雪塩，用慕絲做底，口感覺一流，甜而不膩。主食甘鯛立鱗燒，用自家製蠔醬塗係魚面，魚皮炸得非常香脆，可以食埋佢的，立鱗燒啖啖肉，魚肉又滑又惹味。跟住來個月見飯，選用北海道七星米，配蘋果乾，同和牛燉肉mix埋一齊，廚師係上枱前已好細心地幫我地將牛骨髓起出黎，味道香濃，和牛燉肉真係好好食，七星米質感煙韌有嚼勁。仲有個棷子牛西冷，我朋友好喜歡。最後甜品有個石榴酒巴巴蛋糕，用Gin酒浸過，所以已經聞到好香酒味，入口更加濃烈，一啖酒一啖雲尼拿雪糕，有點冰火交融既感覺同時又好匹配，為成個dinner畫上完美句號 😍