影片
更多
2019-11-26
324 浏览
今日過去西營盤搵朋友，大家傾番舊年嘅歐遊心思思又想食蠔，但係大家都唔想去番中上環，咁啱佢樓下有間西餐廳做緊promotion，逢星期一至星期四只需要消費滿200蚊(不計生蠔)，就可以以每隻十八蚊呢個價錢食到原價44-56蚊嘅七款精選生蠔，啱哂我呢一啲蠔痴，有靚蠔又點可以無靚酒呢!?只係另加38蚊就可以有free flow嘅紅白酒或者汽水，38蚊平時喺中環嗌半杯都未得啦，仲要三款都可以溝亂任飲，食蠔飲完白，食完有嗌牛扒嘅又可以轉紅，臨尾想抖吓轉汽水又得，認真貼心。Pacific GEM，食生蠔要由淡到濃品嚐, 其中美國蠔口感比較清淡，通常都會建議先食，呢隻 Pacific GEM 海水味較淡，但係味道極其鮮甜，作為開場實屬最好不過。Galiano，入口有種黃油堅果強烈嘅黃瓜味，吞食時具有強烈嘅甜糖漿味道，蠔肉質地豐滿而多肉。Carlingford，呢隻嚟自愛爾蘭嘅Carlingford獲得由英國優良食品協會所頒發嘅「Great Taste Award」，呢個獎項係英國食品界嘅奧斯卡，係最受信任同推崇嘅保證，每隻Carlingford Oyster都需要三年嘅時間培養，佢外表修長，爽口得帶
今日過去西營盤搵朋友，大家傾番舊年嘅歐遊心思思又想食蠔，但係大家都唔想去番中上環，咁啱佢樓下有間西餐廳做緊promotion，逢星期一至星期四只需要消費滿200蚊(不計生蠔)，就可以以每隻十八蚊呢個價錢食到原價44-56蚊嘅七款精選生蠔，啱哂我呢一啲蠔痴，有靚蠔又點可以無靚酒呢!?只係另加38蚊就可以有free flow嘅紅白酒或者汽水，38蚊平時喺中環嗌半杯都未得啦，仲要三款都可以溝亂任飲，食蠔飲完白，食完有嗌牛扒嘅又可以轉紅，臨尾想抖吓轉汽水又得，認真貼心。
Pacific GEM，食生蠔要由淡到濃品嚐, 其中美國蠔口感比較清淡，通常都會建議先食，呢隻 Pacific GEM 海水味較淡，但係味道極其鮮甜，作為開場實屬最好不過。
Galiano，入口有種黃油堅果強烈嘅黃瓜味，吞食時具有強烈嘅甜糖漿味道，蠔肉質地豐滿而多肉。
Carlingford，呢隻嚟自愛爾蘭嘅Carlingford獲得由英國優良食品協會所頒發嘅「Great Taste Award」，呢個獎項係英國食品界嘅奧斯卡，係最受信任同推崇嘅保證，每隻Carlingford Oyster都需要三年嘅時間培養，佢外表修長，爽口得帶有獨特嘅榛果香甜同埋海水味，肉質爽嫩。
Fine De Claire，紛迪加蠔係為人所知的法國蠔，佢擁有修長嘅薄殼，肉色帶淺，質感爽口，一方面帶有海水嘅鹹味，而另一方面亦都有啲榛果嘅香味。芬迪奇生蠔多產自法國馬雷訥地區，根據喺水中養嘅時間而分成普通芬迪奇Fine de Claire、特級芬迪奇Speciale de Claire以及最高級嘅芬迪奇Pousse en Claire 三種不同嘅等級。因為蠔喺水入面生活得越耐，就越能夠食到更多嘅微生物，肉質亦都相對更加肥美。
Buffalo Chicken Wings，雞翼被拆成單骨之後拎去脆炸，面頭灑上令人驚喜嘅Paprika，盡見風味；呢度個水牛城雞翼個醬汁非常特別，除咗貫徹一貫水牛城雞翼嘅甜酸味道之外，呢度個醬汁仲辣得非常過癮，個辣度大約有譚仔中辣咁辣，以西餐廳嚟講絕對係難得一遇，啱哂我呢啲鍾意食辣嘅朋友。
Conchiglioni Bolognese，肉醬蜆殼粉，一直只以為Bolognese係肉醬千層麵，今日至知原來Bolognese係肉醬咁解，而Conchiglioni就係蜆殼粉。我覺得肉醬同埋pasta從來都係絕配，Cafe 2 嘅肉醬比起坊間嘅多咗一份香草嘅香味，而肉醬嘅濃度亦掌握得恰到好處。
呢間餐廳啲蠔質素高得嚟仲要咁抵食，下次想食蠔都唔洗出中環lu。
张贴
