棠棠居海鮮菜館

营业中

休息中

話說早上要同朋友過去寶血醫院做物理治療，吹水的時候就問吓人哋深水埗有咩好介紹，姑娘就話行大概5分鐘左右一間叫做棠棠居嘅飲茶食點心，炒小菜等等都非常唔錯。沿着寶血醫院對面馬路行5分鐘就到啦，入座係12:30，要等齊一半人數以上先可以入座，要注意 。座位都非常闊落，輪椅可以出入 ，冷氣亦都好夠。叫咗幾樣小菜同埋點心，水晶肴肉同埋糖心皮蛋都非常好味，豬大腸有豬臊味，但係非常脆，本人唔鍾意食豬太腸所以唔評論，冇食到乾燒伊麵但係身邊個朋友話非常唔錯，炒龍躉都非常好味😋 意外嘅係肉餅玉子豆腐臭咗，要取消換過第二啲，變咗小籠包，都幾好，最後叫多樣點心就滷水烤麩，佢呢個係熱嘅，我第一次食熱嘅烤麩，都算幾入味。