二兄車麵館 (已結業)

好耐冇食車仔麵，心血來潮想食下，於是同朋友行完山之後去咗食。我點咗三餸米線（$55），三餸包括瑞士雞中翼、牛丸同埋墨魚丸。朋友就食銅盆荷葉蒸走地雞飯（$68）。我地再點多碟鮑汁鳳爪（$29）同蠔油芥蘭（$25）。瑞士雞翼非常入味，大大隻而且咬落嫩滑多汁，高質呀！牛丸同埋墨魚丸都幾彈牙，唔錯唔錯！難得既係食完成碗米線都唔覺口渴，證明d野食係冇落味精既。鮑汁鳳爪軟稔入味，食得出係花咗唔少時間整既。朋友既銅盆荷葉蒸走地雞係即叫即蒸，整體份量唔少，欣賞佢d雞蒸得好滑，用嚟送飯啱哂。芥蘭食落清脆爽口，點埋蠔油嚟食係自己最鍾意既食法~薑檸樂用料足，飲完成個人好暖。