ASK cafe (已結業)

Badboy同朋友好少過海，難得嚟開中環就緊係嚟埋呢間有得印相/圖畫喺咖啡上面嘅Cafe啦😃想印好耐架喇😆一早就諗定想印咩相😎手機send俾staff就得，簡單快捷。🍫Mocha$44有得印相真係幾得意，貪得意玩吓🤭Mocha本身都相當唔錯，飲到甜甜哋嘅朱古力味，配埋香滑嘅咖啡，幾啱badboy口味。☕️Baileys Latte$47第一次見有Baileys嘅Latte，好奇試吓🤭飲落口感厚滑，有Baileys嘅酒味滲出嚟。呢杯印咗朋友影嘅得意貓貓🐱🦀黄金軟殼蟹意粉$155軟殼蟹炸到金黃色咁，好香蛋黃味，全隻軟殼蟹大滿足😋意粉比較挺身，滿滿咸蛋黃醬，口感會比較乾身，但唔會好滯口。🍝黑松露什菌意粉$118好香黑松露味，超好菇，意粉都係煮得啱啱好，掛到汁，唔錯👍🏻🍓SUMMER夏のWAFFLE$88係士多啤梨、雲呢拿雪糕、紅桑子醬開心果。擺盤好靚，唔同顏色嘅碎碎、醬同糖霜舖得好有意境。厚厚嘅窩夫配大大粒嘅士多啤梨同奶滑嘅雪糕😋下午兩點嚟到都坐滿人，見到員工都好忙吓，不過仍然保持到好好禮貌👍🏻埋邊嘅Corner位比較靚同好feel啲，好啱朋友小聚。