影片
更多
2016-01-05
2838 浏览
香港食到正宗北京菜既地方唔多，呢間係少數我個人都幾欣賞既北京餐廳。外國朋友不遠千里黎到香港，我就決定一盡地主之誼帶佢地黎呢間餐廳感受一下中國既攝人魅力！餐廳裝修極具中國風，老北京風格十足：木桌磚地、飛檐門樓……朋友見到都大讚有特色！去到個日仲有二胡表演。先叫半隻北京烤鴨。Come on 食北京菜點少得烤鴨？北京烤鴨皮脆脂薄、鮮嫩而鴨味濃郁，一入口有少少融化既感覺。食過太多過於肥膩、脂肪成呎厚既烤鴨，感覺呢個油份適中，固然食到傳統烤鴨既油香，但又唔會太過heavy，連埋青瓜、蔥、醬汁，用薄皮包裹成個放入口，就係幸福既感覺。醬汁係加分點，口感雖然稍杰，但味道香濃，成功將鴨味襯托昇華。點左餐廳既另一個招牌菜羊肉餃子。略嫌皮厚，但食得出係人手搓所以口感猶可。餡料好彩處理唔錯，羊肉富鮮味而唔騷，多汁到一食係口到迸發而出，完全食到停唔到，食完一隻又一隻。水煮魚都唔錯，但就無前兩者咁令我驚豔。分量十足，魚身嫩滑，有濃濃既麻辣味，好香口。而且魚已經預先去骨，真係懶人恩物。不過唔算非常出色，以價錢黎講有少少偏貴。最重要係我本身都亦唔太喜歡食水煮魚呢類「重口味」調味既魚。雖然食完十分滿足，下次去都係留番d
先叫半隻北京烤鴨。Come on 食北京菜點少得烤鴨？北京烤鴨皮脆脂薄、鮮嫩而鴨味濃郁，一入口有少少融化既感覺。食過太多過於肥膩、脂肪成呎厚既烤鴨，感覺呢個油份適中，固然食到傳統烤鴨既油香，但又唔會太過heavy，連埋青瓜、蔥、醬汁，用薄皮包裹成個放入口，就係幸福既感覺。醬汁係加分點，口感雖然稍杰，但味道香濃，成功將鴨味襯托昇華。
點左餐廳既另一個招牌菜羊肉餃子。略嫌皮厚，但食得出係人手搓所以口感猶可。餡料好彩處理唔錯，羊肉富鮮味而唔騷，多汁到一食係口到迸發而出，完全食到停唔到，食完一隻又一隻。
水煮魚都唔錯，但就無前兩者咁令我驚豔。分量十足，魚身嫩滑，有濃濃既麻辣味，好香口。而且魚已經預先去骨，真係懶人恩物。不過唔算非常出色，以價錢黎講有少少偏貴。最重要係我本身都亦唔太喜歡食水煮魚呢類「重口味」調味既魚。雖然食完十分滿足，下次去都係留番d budget食其它野喇！
壓軸登場既就係一客拔絲土豆，賣相討好，同行友人即刻起勢咁影。中國菜特別既地方係往往可以用簡單既材料，但考究聰明既煮法炮製出味道同賣相同樣唔失禮既菜式，經廚師巧手就化身成高級菜色。蕃薯滾油炸過，色澤金黃，非常吸引。
而最吸睛係面頭鋪到成個鳥巢咁既白糖絲。糖既處理最考師傳功力，溫度掌握要拿捏要非常準確先可以整到呢個效果，太凍就拉唔到咁幼嘅絲，太熱就會燶而變黑變苦。餐廳裝修唔錯，師傳好有笑容好有禮貌，而且相當有北京風味，值得一試。
张贴
