Cafe Addict (已結業)

今日喺佐敦經過彌敦道，見到一間好靚嘅cafe，好快俾佢裝修吸引左入去！門口唔算大，但一入去，樓底十分高，bar枱仲有不同酒作裝飾，裝修modern高貴得嚟又好舒服。入面主食有唔同意粉選擇，全部都好吸引！鮮帶子櫻花蝦明太子醬長通粉櫻花蝦加明太子不嬲都係最佳配搭，帶子屬刺身級十分鮮味，長通粉唔會過稔，又唔會有太多汁，感覺清新。雜菌黑松露牛肝菌汁蝴蝶粉蝴蝶粉上竟然有蟲草花作配搭，感覺新鮮，黑松露醬都十分濃郁，所有配搭合宜。麻辣雞胸軟骨呢個令人最驚喜！唔似平時嘅雞軟骨細細粒，呢度嘅做法係有少少雞肉喺入面，炸得超級香口，加上麻辣香粉，一食唔停口。