俏江南 (已結業)

俏江南的裝修幾特別，以紅色為主，樓底極高，大型水晶燈從二樓吊下來，氣派不凡。菜式味道方面以濃味為主，嗜辣的朋友一定會有好多選擇，我們試了幾款signature菜式，味道唔錯，都試得過。晾衣白肉賣相好靚，腩肉軟腍，又會過份肥。另一道特色菜是川式自製豆腐，侍應會在你面前將豆漿變成豆味濃郁的豆腐。俏江南亦準備了很多不同味道的醬料給食客伴豆腐，推介！滾油堂灼牛肉非常香辣惹味。侍應將兩舊超熱石春放進滾油保持油温，然後再將大量葱和蒜放進滾油，待香料爆香後，將牛肉放進滾油，然後原煲上枱，由食客自行從滾油中拿起牛肉。牛肉在油內滾耐了亦不會太韌，是一大班人食飯的推介菜式。Manager送了一客好睇唔好食的文房四寶甜品，卓頭之作，一啲都唔好食。