翠園 (荃新天地) (已結業)

今日帶兩個外國朋友去「翠園」飲早茶，因為係閒日所以唔算多人，不過每張枱之間嘅空間唔多，感覺有啲逼😕不過裝修得靚嘅，啲櫈都舒服～早茶嘅孖寶優惠都抵食，我地叫左「鳳爪排骨飯」同「鵝頭鳳尾香芋酥」「鳳爪排骨飯」麻麻地，鳳爪係ok嘅，但排骨就太咸；啲飯質地太乾太硬，就算加左豉油都無乜味😥「鵝頭鳳尾香芋酥」個外表幾精緻，不過個頭原來係麵粉做，無味的。一般都唔會食，純粹好奇想試下😅香芋酥炸得好鬆脆，入面嘅香芋餡軟綿綿，好幼滑。之後仲有燒賣，賣相幾好，四粒分別舖上唔同材料，感覺好珍貴，不過食落無乜驚喜，無乜特別。