壹堡餐廳小廚 (已結業)

土瓜環又係一個食物荒島🏝️，對比起隔離嘅九龍城同紅磡，可謂天淵之別。當日我哋行勻成個土瓜灣，只見有幾間巷仔小徑嘅餐廳仔，想食得好小小坐得舒服d，所以就走左去呢間位於喺翔龍灣中心廣場嘅茶餐廳- 壹堡餐廳。其實喺翔龍灣中心廣場仲有幾間唔同嘅餐廳例如元朗餐廳有幾間Cafe咁，但我哋就神推鬼擁地入咗去呢間係門口位置嘅壹堡，可能比佢開揚嘅靚裝修呃左，又懶係痴曬d香港路牌地標賣香港情懷咁。入到去，冇人招待不特止，叫個阿姐落單時仲好似阻住佢發達咁，我地好快叫左個午餐B同E，分別係XO海鮮炒飯同埋涼瓜排骨飯，一個飲凍檸茶，而另一個飲凍奶茶，兩杯都甜到嘔！佢果個xo海鮮炒飯冇咩料到，而我嗰個涼瓜排骨飯碟排骨更加係有浸豬騷味，涼瓜亦太大舊，但我地要係果頭等個客，所以為免阿姐比面色我地睇，唯有叫多個薯條坐多一陣，下次去翔龍灣廣場食野會行多步試其他餐廳。