酒鍋 (天文臺道) (已結業)

一行三個女仔book咗呢間火鍋店，話說呢間火鍋店係我朋友推介，係極力推薦所以我哋不得不嘗試。入到去商業大廈，已經覺得好煥然一新嘅感覺，因為呢幢大廈比較新款式，而且裝修新氣派，好適合年青人嚟，除咗呢間火鍋店，原來仲有其他餐廳係呢一座大廈。一到去環境唔錯，同出面平時啲火鍋店好唔同，佢哋啲燈飾係比較暗黑小小，有種神秘嘅感覺，而且裝修好有氣派，有一點兒傳統氣息，而且座位非常寬敞，坐得好舒服。出面仲有個露台可以俾人食煙。我哋三個就決定咗叫個五式火鍋，原來有五種湯底，非常特別，出面一定食唔到，而且中間有我最鍾意食嘅木瓜同埋煆，啲湯仲可以當湯水飲添。另外我哋叫咗唔同嘅火鍋配料，分別有牛頸脊墨魚丸響鈴同埋蔬菜類。黑松露水餃都好好味，值得推介。賣相最吸引反而係牛頸脊，佢將一篇篇牛肉切到好薄身，掛係個木條上面，影相真係一流呀。不過價錢就貴咗啲，最後埋單我哋都要成＄1200，3位，大約你預＄400一位啦，不過多人食我諗會抵少少。