天澗居酒屋 (已結業)

之前經過見到依間裝修好靚既居酒屋！價錢又合理～依排工作辛苦，一於獎勵下自己入到去，估唔到裡面都維持到日式風每張台都間開左，私隱度好高水雲蕃茄漬水雲滑捋捋，配搭埋個酸汁同蕃茄即刻胃口大開特上壽司盛十二貫➿大拖羅，中拖羅拖羅油脂高，入口即溶，鮮味極濃➿金目鯛，深海池魚一d 都唔腥，反而一入口陣鮮味就衝出黎！➿北海道鮮帶子，牡丹蝦帶子厚身夠甜，牡丹蝦口感好爽又彈牙個牡丹蝦頭可以叫店員拎去炸炸完勁香脆，仲有蝦膏添➿日本海膽，三文魚籽兩款都好鮮甜，配搭紫菜卷食一流➿鰻魚，拖雜蓉小卷➿江戶前玉子燒依款睇落以為係蛋糕點知係勁鬆軟既玉子！ 真係估唔到！！炸池魚炸得好香脆，送酒一流什錦天婦羅(五本)炸蝦可以點個咖喱鹽，味道估唔到甘夾天婦羅漿唔會太厚，炸得鬆脆，好食明太子玉子燒玉子燒面頭同入面都有明太子裡面明太子有少少辣，反而更加惹味炸黑豚糖心蛋依個做法好少見，外層係吉列仲有好薄身既黑豚包住粒糖心蛋點埋個明太子又係另一風味石鍋鰻魚飯鰻魚好厚身，而且好有口感唔會係超市個種可以自己再淋上鰻魚汁石鍋飯仲有少少飯焦添！沖繩黑糖燒波蘿菠蘿超Juicy!! 同埋好甜最岩解膩，最後食岩岩好