影片
更多
2019-05-03
35 浏览
放工後同朋友聚一聚，經過塘尾道見到有間裝修好有特色嘅火鍋店，未行到門口已經聞到好香嘅麻辣味，已經被佢嘅香味吸引住，於是大家決定入去試吓。門口已經好有中國feel,入面裝修都好靚，好似去咗皇宮咁。首先睇吓餐牌，好多特別嘅款式，出面好少會食到，佢地有半份叫，好啱想食多d款又細食嘅我。佢地仲要好貼心寫埋喺菜單果度煮幾耐，唔使估估吓熟唔熟。佢地有個調味counter，有多款醬料可以自由配搭，一定要加佢嘅秘制香油，加落火鍋豉油好正，仲有生果可以任食。我地叫咗鴛鴦鍋，一邊要豬骨湯，另一邊要香港小辣，豬骨湯底入面都有好多料，而辣味果邊d麻辣味好香，雖然叫小辣，但真係幾辣。極品prime手切肥牛-我地叫咗半份，不過份量都唔少，牛肉嘅脂肪分佈好均勻，肥瘦適中，食落牛味好重，好新鮮，入口即溶，牛魔皇嘅我，梗係要食多2舊啦。舌尖上的牛舌-呢款好特別，出面係冇食過咁大片咁新鮮嘅牛舌，煮15秒已經食得，好爽口，一d都唔鞋，牛味好濃郁，食完仲想再食。極品鵝腸-上枱果時好吸睛，掛喺個架果度，非常特別，鵝腸係新鮮貨，唔係普通嘅雪藏貨，佢地已經清晒入面嘅肥膏，所以一d都唔肥，食落好爽口。台灣鴨舌-出面好少食到原隻新鮮鴨
門口已經好有中國feel,入面裝修都好靚，好似去咗皇宮咁。
首先睇吓餐牌，好多特別嘅款式，出面好少會食到，佢地有半份叫，好啱想食多d款又細食嘅我。佢地仲要好貼心寫埋喺菜單果度煮幾耐，唔使估估吓熟唔熟。
佢地有個調味counter，有多款醬料可以自由配搭，一定要加佢嘅秘制香油，加落火鍋豉油好正，仲有生果可以任食。
我地叫咗鴛鴦鍋，一邊要豬骨湯，另一邊要香港小辣，豬骨湯底入面都有好多料，而辣味果邊d麻辣味好香，雖然叫小辣，但真係幾辣。
極品prime手切肥牛-我地叫咗半份，不過份量都唔少，牛肉嘅脂肪分佈好均勻，肥瘦適中，食落牛味好重，好新鮮，入口即溶，牛魔皇嘅我，梗係要食多2舊啦。
舌尖上的牛舌-呢款好特別，出面係冇食過咁大片咁新鮮嘅牛舌，煮15秒已經食得，好爽口，一d都唔鞋，牛味好濃郁，食完仲想再食。
極品鵝腸-上枱果時好吸睛，掛喺個架果度，非常特別，鵝腸係新鮮貨，唔係普通嘅雪藏貨，佢地已經清晒入面嘅肥膏，所以一d都唔肥，食落好爽口。
台灣鴨舌-出面好少食到原隻新鮮鴨舌，都幾大隻，肉厚，放入湯底煮完，好入味，好好食。
草原鮮毛肚-放入湯煮一陣已經入晒味，鍾意食內臟一定要試，好爽口又冇蘇味。
碼頭肥腸頭-佢地將d腸打成一個結，可以令腸頭唔會散開，仲可以吸收多d湯汁，食落一d都唔韌。
無骨鮮鴨掌-無骨雞腳食得多，無骨鴨掌真係第1次食，食果時方便之外，煮耐咗都依然好爽口，好好食。
紫薯寛粉-用紫薯整薯粉，夠健康，煮一陣好快食得，半透明煙煙韌韌，仲可以吸收晒湯嘅精華。
整體呢間火鍋店，款式多又特別，好多食材都係新鮮唔係雪藏貨，裝修又吸睛，下次再encore
张贴
