花椒子 (已結業)

今日嚟到旺角食酸菜魚，呢間餐廳裝修好特別，好似去咗太空咁。午市套餐包嘢飲，有大概10幾款嘅選擇，我同朋友叫咗兩個午餐大家分享。酸菜鱸魚片配白飯 HKD 68 - 這個價錢已經叫到酸菜魚，我覺得性價比好高。賣相十分漂亮，因為係一人份量，所以魚片份量唔會好多，但加上配菜都夠餸飯。味道唔會好辣，魚片略嫌比較鬆散，無彈性。無骨口水雞配白飯 HKD 58 - 口水雞夠嫩，不過雞味唔夠，鹹味多過辣味，個人覺得酸菜魚比較優勝。牛油果鮮奶 餐飲+HKD 13 - 牛油果味道唔係好出。菠蘿梳打冰 餐飲+HKD 13 - 清涼嘅感覺淡淡的菠蘿味。